I sècui no cognòs
da to vite, o cjâr flum
de mê valade,
ma la to vôs,
il to andament
son achì,
tal gno cûr,
ta mè anime
e part de tô storie,
dai Gjai ai Romàns,
dai Vèniz ai Todèscs,
ai Taliàns,
jè scrite ta mê memorie.
Soredùt ti vuèi ben
e to rèstes tai miei ricuàrz
per vie che, dì e gnot,
tu cjàntis la nine-nane
a duc’ i miei muàrz.
Cjarsòn, flum da mê zoventût,
mandi!
Tu, tu passis e tu tòrnis,
nô passìn, ma no tornìn.

Giacomo Fabiani